Në takim me ushtarakët e vendit, Kryeministri Edi Rama është shprehur se pavarësisht se ka ende shumë punë për të bërë, dinjiteti i FA-së është kthyer në vend, pas nëpërkëmbjes që i është bërë në vitë. Rama deklaroi se ndryshe nga PD që hiqte dietat ushqimore për të blerë pajisje përgjimi, qeverisja e majtë dhe arritjet e saj kushtuar ushtarakëve nuk janë trumpetuar si suksese që kanë tronditur Kinën…
“Mua më kujtohet shumë mirë kur Kushtetuesja e shpalli të paligjshme kërkesën e qeverisë së saja kohe, që ushtarakët ti kthenin mbrapsht paratë shtetit dhe kur ministri tha që nuk do ta zbatojmë këtë vendim sepse është alogjik…
Faktikisht, fakti që nuk ju duhet të përballeni më me këtë arbitraritet nuk do të thotë se këtu është bërë ndonjë mrekulli.
Po si mundet ne në fund të vitit 2016, të jemi të kënaqur me kaq?
Ju e dini më mirë se unë, MB akumuloi 16 mln euro borxhe për shërbimet të papaguara tek të tretët. Dhe paratë që duheshin për të kompesuar ushtarakët me dietat ushqimore, me ato lekë u blenë aparatura përgjimi që si duheshin as dreqit.
Ju risiguroj se nëse dëgjoni prej nesh apo prej meje, që të flas me pasion për atë cka kemi bërë, asnjëherë të mos e mendoni se jam i kënaqur… dhe pasigurinë time mereni si një shpresë, sepse është një vetëdije që shumë gjëra të tjera duhen bërë.
Nuk kemi dalë ti themi shqiptarëve që sukseset tona po trondisin kinën, apo po na barazojnë me Gjermaninë. Nuk po flasim për propagandë të shumë viteve mnë parë, po flasim për atë që ishte prezente 3 vite më parë.”– tha Rama./java/a.k
