Kryeministri Edi Rama ka uruar përmes një videomesazhi nër rrjetet sociale shqiptarët anembanë, në Shqipëri, Kosovë, diasporë e kudo në mbarë botën me rastin e ndërrimit të viteve.
Duke bërë një prezantim të atyre çfarë pritet të bëhen të prekshme pas më pak se 6 orësh, kur viti 2018 të ikë e të vijë viti 2019, Rama përmendi gjithashtu edhe ato që janë arritur deri më sot.
Pasi e cilësoi si një vit bujar për të, me mësimet që i ka dhënë, Rama uroi një vit të mbarë 2019 për të gjithë shqiptarët
“Gëzuar të gjithë në Shqipëri, Kosovë e kudo.
Me ardhjen e 2019 për çdo bebe të lindur, do të hyjë çeku i ri i bebes, mbështetje financiare për çdo prind të ri.
Mijëra sipërmarrës do të paguajnë 3 herë më pak taksa ndërsa për gjithë fermerët taksa 20% për inputet bujqësore do të shkojë më në fund 0.
Nga nesër studentët tanë do përfitojnë përgjysmim tarifash, ndërsa më të mirët dhe ata në nevojë do të marrin dhe bursë 10 mijë lekë në muaj. Punësimi i tyre në shtet do të jetë automatik, me parimin më i miri zgjidhet i pari.
Do të jetë fillimi i fluturimeve ndërkombëtare nga aeroporti i Kukësit. Do të nisë ndërtimi i hekurudhës së parë moderne Tiranë- Durrës
Këto janë 6 orët e fundit të kumarit në Shqipëri, asnjë familje s’do jetë më e kërcënuar. Qindra miliona euro që i ka marrë lumi do mbeten në familje.
Këto e të tjera janë frute e përpjekjeve që kemi bërë këto vite. Ky vit mbyllet me rritje ekonomike 4.5%.
Kushdo që nuk ka prekur ende asgjë na ndryshimet e bëra, kjo më motivon për të krijuar Shqipërinë që duam. E dimë që jemi ende larg drejtësisë që duam, por nëse shohim pas do kuptojmë që kemi përparuar shumë. Ndjesë kujdo që edhe gjatë këtij viti ka pësuar në kurriz padrejtësinë e një sistemi në pastrim e sipër ku ka akoma prokurorë e gjykatës të padenjë e të pangopur. I siguroj të gjithë viktimat e padrejtësisë, se jo vetëm e ndjej dhimbjen e tyre, por edhe dhimbja më bën më të vendosur për ti shkuar kësaj beteje deri në fund.
2019 do nisë me qeveri të re. Me besimin e madh se më e mira po vjen dhe falënderimin për reagimet tuaja, ju përcjell reagimet e mia më të përzemërta”, tha Rama
a.cupaj
