Kryeministri shqiptar Edi Rama mbajti një prononcim për mediat pas seancës solemne për 9 vjetorin e Pavarësinë së Kosovës, duke e vlerësuar si një moment mjaft të rëndësishëm vigjiljen e pavarësisë.
“Një përvjetor me peshë ende të jashtëzakonshme”,- tha kreu i qeverisë duke shtuar se janë ende të “freskëta ditët e vështira të një të kaluare jo të largët”.
Në këtë ditë, Rama uroi edhe sot kthimin sa më parë të Ramush Hardinajt, kreut të AAK-së i cili ndodhet në Francë në liri me kusht për akuzën nga autoritetet serbe në lidhje me krime lufte.
“Mungesa e tij është një ftesë për reflektim për sa shumë ende për t’u bërë, në funksion të raportit jo të Kosovës, të tjerëve me luftën e lavdishme të UÇK”, tha kryeministri Rama.
Sipas shefit të mazhorancës, Kosova është “shembull rrezatues i bashkëjetesës harmonike mes të ndryshmëve”
“Kosova provon se kjo është e mundur”, – përfundoi ai. /b.d
