Kryeministri Edi Rama ashtu si çdo ditë, edhe sot e ka nisur me një urim për shqiptarët për një ditë të mbarë. Urimin e shoqëron me disa pamje nga Bënja e Përmetit, e shpallur Qendër Historike.
“Ju uroj një ditë të mbarë me këto pamje nga Bënja e Përmetit, e shpallur Qendër Historike në janar të 2017, ku kemi filluar punën tanimë për restaurimin e kishës për të vijuar më tej me rilindjen e vlerave historike e turistike të gjithë zonës,” shkruan Rama.
Por komentuesit e shumtë janë treguar të kujdesshëm të urojnë Ramën pasi për të është ditë e veçantë sot. Kryeministri mbush 53-vjeç.
/a.m.
