Kryeministri Edi Rama zhvilloi sot një takim me përfaqësues të Senatit të Universitetit të Tiranës pas problemit me vonesën e pagave.
Ky takim u thirr publikisht nga pedagogët në rrugë mediatike sipas kryeministrit, por sipas tij disa prej atyre që e thirrën nuk janë të pranishëm.
Referuar kritikave të pedagogëve për reformën, ai ua tha na sy pedagogëve se nuk mund ta ndalin.
“Ata që kërkuan këtë takim nuk e di pse nuk janë sot prezentë. Por, di një gjë, që asnjë nga ju nuk e mban dot peng reformën. As me shfaqje as me firma as me shqetësime sado legjitime të jenë, shqetësimet kanë mundësi të shprehehen… se problemi themelor që ka sot unversiteti është me vetveten, as me qeverinë as me legjislacionin, është një sfidë e re e tij e autonomisë së zgjeruar dhe debati që doja të bëja është cfarë duhet të bëjë qeveria më shumë për ta garantaur këtë autonomi të zgjeruar jo si të ndërhyjë dhe të ndajë engjëjt nga djajtë”, tha Rama para pedagogëve.
Kryeministri Rama ka shpjeguar më tej edhe problemin e vonesës së pagave. Sipas tij ngërçi u zgjidh dhe nuk do jetë më problem.
“Vonesa e pagave është një shembull shumë i qartë i faktit që reforma është sfidë, edhe për ne që e kemi udhëhequr dhe e kemi kthyer në legjislacion. Pse, sepse na ka vonuar ne vetë si qeveri një debat midis Ministrisë së Arsimit dhe Ministrisë së Financave për trashëgiminë e grantit. MAS në këndëvështrimin tim me të drejtë këmbëngul që drafti i pakushtëzuar transferohet dhe administrohet nga Universiteti, kurse Ministria e Financave këmbëngul që po, por çdo vit duhet konfirmimi. U deshën disa ditë më shumë se normalisht për të hapur rrugën e zgjidhjes, dhe rruga e zgjidhjes është që fondet e universitetit trashëgohen dhe nuk varen nga vullneti dhe mosvullneti i ministrisë”, dekalroi Rama.
/a.m.
