I pyetur nga qytetarët në rrjetet sociale, në intervistën e tij të paralajmëruar në Facebook dhe Twitter, Kryeministri Rama është ndalur edhe në çështjen e azilkërkuesve.
Sa i përket numrit të lartë të shqiptarëve, Rama tha se pjesa dërrmuese e tyre nuk ikin nga Shqipëria, por janë shqiptarë që kanë qëndruar në Greqi që kanë zgjedhur të aplikojnë për azil në Gjermani.
“Eshte fakt qe dihet tanime dhe nga autoritetet atje se shumica derrmuese e shqiptareve s’jane te ikur nga Shqiperia po nga Greqia! E perseris shumica e shqiptareve qe ikin ne Gjermani jane shqiptare qe ikin kryesisht nga Greqia po jo vetem. Sigurisht dhe nga ketu.” u shpreh Kryeministri në Twitter
I pyetur për të drejtën e votës për shqiptarët që jetojnë jashtë vendit, Rama tha se zotimin e dhënë do ta mbajë në zgjedhjet e 2017.
“Do bejme çmos ta bejme realitet ne zgjedhjet e vitit 2017, si zotim programor i PS dhe LSI po edhe si detyrim kombetar.” tha ai
Ndërsa për Bashkimin Kombëtar mes Shqipërisë dhe Kosovës, kryeministri tha se ai ka ndodhur, por se janë vetë qytetarët që do të duhet ta bëjnë realitet me ndërveprime shoqërore.
“Bashkimi Kombetar ka ndodh i dashur mik na takon ne ta bejme realitet te prekshem pa kufij per ekonomine dhe çdo nderveprim shoqeror.” u shpreh Kryeministri
