“Ata kanë të drejtë që të bërtasin dhe ulërijnë, të na shajnë dhe mallkojnë, por është e drejta e tyre për të sabotuar çeljen e negociatave, por ta harrojnë se kanë në dorë gjë tjetër përveçse të vetëvriten politikisht” deklaroi kryeministri Edi Rama në hapjen e fushatës së Partisë Socialiste për zgjedhjet lokale të 30 Qershorit.
Lideri i qeverisë deklaroi se opozitarët janë dembelë dhe të paaftë për të drejtuar, por ne jemi punëtorë.
“Ata kanë të drejtë që të bërtasin dhe ulërijnë, të na shajnë dhe mallkojnë, por është e drejta e tyre për të sabotuar çeljen e negociatave, por ta harrojnë se kanë në dorë gjë tjetër përveçse të vetëvriten politikisht dhe të nxijnë faqen e tyre dhe Shqipërinë me gënjeshtrat dhe shpifjet skandaloze. Ata kanë një problem, janë pak, ne jemi shumë. Ata janë dembelë dhe të paaftë për të drejtuar, ne jemi punëtorë. Ata janë frikacakë dhe të alarmuar nga reforma në drejtësi, ne jemi guximtarë dhe të vendosur për të bërë shtet, ku drejtësia është e barabartë. Ata janë në panik prandaj i drejtohen dhunës. Ata janë të verbuar” tha Rama./l.m
