Në “Zonë e Lirë”, Rama ka rrëfyer bisedën me ish ministrin e brendshëm për akuzat që i ka bërë opozita për shitjen e një makine te Habilajt dhe lidhjet e tij me grupin kriminal.
Keni qenë në dilemë ta heq tani apo pastaj Tahirin?
Skam pas asnjë dilemë. Pak para se ta hiqja kisha dilemën që duhen larguar për të shkuar të gjithë në fushën e betejës apo jo. Plani i largimeve ishte më masiv, por nuk u krye.
Cfarë ju tha Tahiri për Zaganin?
Fillimisht foli ligji kundër tij (Zaganit). Zotria është i dënuar nga gjykata e krimeve të rënda për dekonspirim të aksionit të policisë kundër një grupi trafikantësh. Është i dënuar.
Ai ka fol pas dënimit?
Sigurisht. Foli ligji pastaj foli ai. Është arrestuar për këtë fakt. Prokuroria ngriti akuzën dhe pastaj foli gjykata.
Ishit i bindur në pafajësinë e Tahirit kur e sulmoi Zagani?
Ca lidhje ka pafajësia e Tahirit me një fakt që është marrë në hetim nga Prokuroria e Krimevë të Rënda.
I verifikuar akuzat e Zaganit?
Në Shqipëri ka një vendim të gjykatës. Me këto far gjykatash që nuk ka lënë njeri pa liruar, kur të dënojnë ose jo një i pandehur politik, ose kaq shumë provohet fajësia jote sa nuk bëhet dot pazar për të liruar. Cfarë duhet verifikuar më shumë? Ajo prokurori dhe ajo gjykatë nuk kanë pasur asnjë aryse të lëvizin një gisht për hatër të Tahirit.
E dini se çfarë transportonin Habilajt me Audi?
Nuk e di për cfarë bëhet fjalë. Për veprimtarinë e këtij grupi po heton një prokurori dhe një gjykatë me gjyqtarë të Serisë A.
I thatë gjë Tahirit kur pranoi që e kish shitur makinën te Habilajt?
I thashë pse nuk thua që makinën e ke bërë ushqim për qentë që nuk po të ndahen.
I kërkuat shpjegime për Habilajt?
Kur doli çështja diskutuam gjerë e gjatë dhe kemi miratuar direkt idenë që ai kishte për të shkuae direkt në Prokurori. Prokuroria e ka hetuar gjithë çështjen dhe nuk ka rezultuar gjë.
Ju solli info SHISH?
Asnjëherë nuk më ka sjellë informacion zyrtar për asnjë lidhje mes ministrit të Brendshëm dhe grupeve kriminale.
Rama tregon si e njohu Tahirin dhe biseda për bombën te farmacia e babait
Gazetari Arian Cani ka improvizuar një intervistë me kryeministrin Rama në rolin e Prokurorit dhe kreut të qeverisë të thirrur për të dëshmuar për akuzat ndaj Tahirit.
Në “Zonë e Lirë”, Rama ka rrëfyer njohjen me Sajmir Tahirin në vitin 2003 dhe bombën që iu vu të atit të ministrit në farmacinë pronë e tij.
Ku e keni takuar për herë të parë Tahirin?
Në fushatën e 2003. Ka qenë një prej të rinjve.
Si u njohët?
Kur u zgjodha kryetar i partisë më dërgoi një email ku paraqiste disa ide të tij për ringritjen e PS. Erdhi me mua dhe nisi punën në PS.
Ndikon Ruçi meqë janë të dy tepelenas?
Ruçi është jo krahinarist.
Cfarë ju kërkoi Tahiri në takimin e parë?
Të bënte një rrjet vullnetarësh në PS.
Emri i Tahirit u përfol pas arrestimit të babait të tij në 2013. U takuat në 2013?
Nuk mbaj mend takim konkret, por në asnjë takim nuk ka kërkuar asgjë përveçse besimit për punën. Nuk më ka kërkuar asgjë.
Kur e bëtë ministër të Brendshëm e peshuat skandalin e babait të tij?
Populli thotë ‘çdo berr varet nga këmbët e veta’. Unë them çdo burrë varet nga vendimet e veta. Djali nuk mban përgjegjësi për babain dhe babai nuk mban përgjegjësi për djalin burrë. Edhe sikur të ishte dënuar i ati, unë nuk do ndryshoja qëndrim.
I kërkuat shpjegime Tahirit pasi i vunë tritol?
I shpreha gjithë keqardhjen dhe solidaritetin dhe për atë deklaratë të Berishës kur tha ‘bombën e vuri vet’.
Hetuat mbi Tahirin në atë kohë?
Prokuroria e krimeve të rënda ka nxjerrë urdhër arresti për veprime terroriste për 6 shtetas. 2 prej tyre u arratisën. Falë gjykatës doli që nuk provohen aktet terroriste.
Çani: Përveç Zaganit dhe Atonio Nazertaj ka tregua lidhjet e Tahirit me Habilajt?
Rama: Është një person që është në kërkim, sepse është i dënuar dy vjet burg për mitmarrje. Dhe ky ka folur pasi e kanë zënë me presh në dorë. Ky është në kërkim me vendim të gjykate. Këtyre heronjve gjejani frontin në rrethin e çorbës.
Çani: Një tjetër dëshmi pas provave të Katanias, është dhe ajo e oficeres?
Rama: Në këtë hetim nuk ka asnjë provë apo indice për implikimin e ministrit të brendshëm, deri pardje.
Çani: Në çfarë rrethanash mësuat për provat për Saimirin?
Prokuroria Italiane nuk ka sjellë asgjë. Një materia ka ardhur i sjellë nga atje këtu dhe i është vënë kazanit.
Ju nuk i besoni deputetit?
Materialin me deputetin them, jo në lidhje me kriminelët. Nuk është as provë as indicie.
Po çafër është?
Një muhabet rrugësh.
Çfarë diskutuarit me Tahirin kur e thirrët se do ta shkarkonit nga funksionet e partisë?
Kemi pasur një komunikim normal dhe me mirëkuptim të plotë. Ai nuk kërkoi asgjë, por i qëndroi asaj që i ka thënë në publik. Dhe unë nuk mund ti ofroj asgjë tjetër. Kemi qenë vetëm për vetë. E thirra unë në takim.
Në sekretarinë e Ramës: Alo, Sali Berisha jam, shite atë Saje Qorrin se…
Kryeministri Edi Rama i është përgjigjur një sërë mesazhesh të ardhura në sekretarinë e tij telefonike, të cilën e ka marrë përsipër “ta personifikojë” përmes një sërë politikanëve gazetari Arian Cani.
I pari që ka çuar sms në sekretarinë telefonike të Ramës ka qenë Berisha, i cili i ka kërkuar kryeministrit që të shesë deputetin Saimir Tahiri.
Cani: Alo Sali Berisha jam, o Edvin Habili, o kumbari i drogës, se harrova nuk ka kamera… ore një këshillë kam, shite Saje Qorrin se nuk e mbyll dot mandatin ndryshe..
Rama: E mër plak, o plak, edhe unë e ti kemi një problem, flemë pak, mua nuk më del njeri në gjumë natën, ti e ke radhën e gjatë të atyre që të dalin në gjumë, kështu që do rrish pa gjumë”
Por në sekretarinë telefonike kanë çuar sms dhe të tjerë politikanë, si Lulzim Basha dhe Presidenti Ilir Meta.
Cani: Lul Basha jam po të nis me e-mail një udhësues sesi rriten e shartohen lulet, se hashashi të ka plasur…
Rama: Thash se u bërë burrë, por lule lule mbete, s’kam cfarë të bëj ty…
Cani: Luli jam prap, e pe sa butë u solla në parlament për Sajmen, ca pankarta po kaq. Për sa kohë të ngeci vettingu, jemi ortak e di ti…
Rama: Është koha e gjumit për ty o lul, nuk ke takat për Arian Canin, fli fli…!
Cani: O i gjati, lir Meta jam, të takohemi patjetër, nëse do ta shpëtosh Tahirin, mos e prek Adriatik Llallën se me Vishon rregullohem vetë
Rama: Me qetësi dhe dashuri zoti president.
Cani: Edo, Gaz Demi jam, ta kryva porosinë tek shtëpia e Sajes, pres të takohemi
Rama: Gazo rroft partizoni se ka nevojë për inkurajim këtë natë
Cani: O Shef Sajmja jam: Erdhi kontrolli, unë qëndrova stoik, piva një puro në ballkon. Ata skanë parë gjë, pas puros do pi një trefletësh
Rama: S’është ky. Puron në PS e pi vetëm Fino.
Cani: Sajmiri jam shef. Jo Tahiri, shoferi i kamionit. Cfarë fitoj po dëshmova se kam marrë 5 milionë euro në muaj.
Rama: Shko te fronti se atje fiton.
Cani: Jam Moisi Habilaj…
Rama: Mos na e prish, kalo te tjetra.
Cani: Lali Eri jam, beniamini jot i vetëm…
Rama (thumbon): Më pëlqeu ai autobusi elektrik, por mos bëj sikur je këtu kur je jashtë shtetit
Cani: Jam Briseida e tatimeve, të kujtohet? Mos e dorëzo lehtë Sajmirin, ai bëhet kamizak për ty.
Rama: I keni rënë në qafë Briseidës ju të kazanit.
Cani: O Skënderbe Elisa Spiropali jam. Askush nuk e bën dot figurën tënde, o i pari i vendit.
Rama qesh: Këto nuk mi thotë mua. Këto ua thotë të tjerëve./Gazeta Express
Rama- Veliajt: Mos dil në media sikur je këtu, kur je jashtë shtetit
Gjatë bisedës së inskenuar në telefon në studion e emisionit “Opinion”, kryeministri Edi Rama thumboi kryebashkiakun e Tiranës, Erion Veliaj. Rama u shpreh se i pëlqeu puna e autobusëve elektrikë, por e qortoi që mos dalë në media sikur është në Tiranë gjatë kohës kur është jashtë shtetit.
“Lali Eri jam beniamini yt i vetëm tashmë, të lutëm mos u trishto shef për Sajmen se t’i mbuloj unë shpenzimet me Tiranën tonë.
Rama: Më pëlqeu ajo puna e autobusit elektrik, por mos dil në media sikur je këtu kur je jashtë shtetit.
Rama ‘telefon’ LIVE me ambasadorin Lu: Do i ndjekim këmba këmbës…
Gjatë intervistës në “Zonë e Lirë”, Arjan Çani inskenoi disa telefonata të Edi Ramës më njerëzit më të rëndësishëm të politikës në vend dhe me ambasadorë të ndryshëm. Gjatë një “bisede” me ambasadorin amerikan Lu, Rama foli për bandat në Vlorë dhe Elbasan.
“Jam Donald Lu, më interesojnë bandat e Elbasanit, se tek rruga e Elbasanit jetoj dhe jo ato të Vlorës. Rama: Don, të gjithë që shkelin ligjin do i ndjekim rrugë më rrugë, do i ndjekim këmba këmbës deri në fund ata që ecin kundër ligjit.
