Rama thirrje demokratëve: Pse mo Liken do të votoni ju? Më mirë mos votoni fare!

Kryetari i Partisë Socialiste njëherësh kryeministri i vendit, Edi Rama ka vijuar fushatën elektorale në Mallakastër.

Gjatë fjalës së tij, kryeministri Rama ju është drejtuar demokratëve me fjalët: “Pse mo Liken do të votoni ju?”, teksa ka shtuar se PD-ja është veçmas, ndërsa koalicionin “Bashkë Fitojmë” e ka krahasuar me “zorrën qorre”.

Edi Rama: Të diskutosh kandidatët tanë me ato të zorrës qorre është të mos jesh në rregull fare sepse nuk po shkon në stadium. Këtu zgjedh atë që të mbush syrin se e bën punën më mirë se të tjerët. Janë shumë të djathtë që nuk e shikojnë dot PS dhe as mua me sy fare. Taksirat është një shtypje butoni dhe të shkojnë tek ekrani i zorrës qorre, të rrinë gjithë ditën atje. Unë kam dalë për të thënë që nëse doni të zgjidhni punë, ja kun ma keni, ne për punë jemi. Nëse doni të ngatërroni punë, futuni tek zorra qorre dhe paci fat. Unë kam besim që do ta kuptojnë kështu siç është dhe për ata që ju ka mbetur ora tek PD-ja dhe që ajo orë të kurdiset duhet të heqin zorrën qorre dhe ato.

Nuk e kuptoj, thotë këtu burri botës “shiko se unë e kam pasur gjyshin ballist, ma kanë vrarë komunistët dhe unë nuk i shoh dot me sy komunistët”. Se ç’lidhje ka kjo, këtë e kemi diskutuar 30 vjet, këtë nuk e gjejmë dot. Po mirë mor vëlla, ti që po i mban hatrin gjyshit, a e kupton ti se çfarë do t’i bësh gjyshit dhe sa herë do ta rrotullosh në varr kur të shkosh tek qendra e votimit dhe ku të kesh Like floririn dhe ta votosh. PD është veçmas, kurse zorra qorre në fletën e votimit ka Liken. Pse mo Liken do të votoni ju? Flas për ato të djathtët. E kupton se çfarë do t’i bëni gjyshit? I vajtët mbrapa një komunisti. Deri tek Likja është pak si e rëndë, për mendimin tim më 14 Maj, ty që ka kanë vrarë gjyshin komunistët, është mirë që të ja kursesh rrotullimin në varr kur të vësh kryqin tek Like floriri. Mos shko fare se gjynah gjyshi. Këta demokratët është për t’i pasur zili sepse këto punës nuk ia dinë fare, punën e bëjmë ne për ata.

Rama e mbylli fjalën e tij në Mallakastër duke thënë: Ne mund të mos jemi më të mirët, por kalë karroce më të fortë se PS për ta çuar përpara, nuk gjeni dot.

/s.f