Kryeministri Edi Rama ndodhet në një takim me kandidatët për deputetë të PS-së në qarkun e Beratit. Për t’I përcjellë mesazhin e qartë kandidatëve se rëndësia e madhe në këto zgjedhje është vota për PS-në, tregoi historinë me deputetin Fadil Nasufi gjatë momentit kur po bëhej përzgjedhja e kandidatëve në lista të hapur apo të mbyllur.
“Kur u bë biseda për listat dhe unë thashë për të gjithë burrat absolutisht do të jetë e prerë se nuk mund të jenë në lista të mbyllura nëse kanë qoftë dhe një mandat e nëse nuk kanë një rol drejtues, prandaj kush nuk do tia bëjë me dije drejtuesve politikë Fadili e shprehu në mënyrën më shembullore, duke thënë unë jam në dispozicion, në listë të hapur, apo jashtë liste si të doni. Kjo është arsyeja pse Fadili është këtu gjithmonë dhe ata që duket se e parakalojnë Fadilin mund ta parakalojnë në sprint por në maratonë fitoj unë me Fadilin. Kjo është maratonë
Kishte dhe një mesazh për kryetarët e bashkive.
“Nuk duhet të ndërhyni në garë. Duhet t’i jepni mundësinë të gjithë kandidatëve që janë në listë të kenë e një gare pa interference të kryetarëve të bashkive. Kijeni mirë parasysh këtë gjë. Nuk bëhet fjalë për deputetë të një zone apo zone tjetër. Është liria e gjithsekujt të ketë preferencë.
