Nga Manza e Durrësit, Kryeministri Edi Rama ka takuar një sërë fermerësh të zonës nga ku u ka premtuar se përmes fondit të garancive, qeveria do t’i dalë në krah cdo projekti që kanë fermerët me kredi të buta. Duke akuzuar PD-në, Kryeministri Rama shtoi se qeverisja e të djathtëve la në derexhe të gjithë fshatrat e vendit.
“Më parë qeveria jepte lëmoshë me subvencione dhe buxheti i shtetit për sektorin bujqësor nuk i përballon dot nevojat as Gjermania në buxhetin e vet s’i përballon dot. Ndaj ka financimet private, çka i jep fermerit mundësinë të ketë shumë zgjedhje, dhe jo të presin do më vijë apo jo 5 lekëshi për ta shtyrë edhe këtë vit. Nga ana tjetër duhet të reformojmë sektorin duhet të nxisim bashkimin për interes, jo për imponim dhe ideologji. Fermerët prodhojnë më vete, por shesin të gjithë së bashku, ndërveprojnë, nuk bëhen pre e grosistëve, dalin nëpër tregje të tjera, dalin jashtë vendit. Bashkia duhet të shërbejë si ndërmjetës në këtë proces. Rëndësi ka të krijojmë këto kushte që të kemi mundësi financimi”, tha Rama.
“Llafe kazani PD-ja, kur nga një anë BE-ja e NATO-ja e nga ana tjetër e lanë fshatin në një derexhe që s’ka krahasim me fshatin e vendeve fqinje në rajon. Humbëm kohë sepse pa u bërë kjo reformë nuk mund të imagjinohej ky ndryshim. Me 400 komuna ishte e pamundur që të ecej siç duhej, madje për fat të keq u bënë shumë devijime e shtrembërime me pasoja të mëdha, që nga abuzimet me tokën bujqësore, ndërtime kuturu, kthime pronash kuturu etj.”, u shpreh Rama./java/a.k
