Kryeministri Edi Rama merr pjesë sot ne Samitin për Ballkanin që zhvillohet ne Bruksel, organizuar nga Komisioni Europian.
Rama ka patur një mëngjes pune me Kryeministrin e Kosoves, zotin Isa Mustafa dhe zëvendeskryeministrin dhe Ministrin e Jashtëm Hashim Thaci. Në këtë takim është diskutuar për projektet e perbashketa mes dy vendeve dhe projektet nga te cilat Shqiperia dhe Kosova do te perfitojne si rezultat i procesit të nisur në Berlin nën udhëheqjen e Kancelares Merkel.
Kryeministri Rama është takuar edhe me Kryeministrin e Malit të Zi Gjukanovic me të cilin ka diskutuar rreth projektit të autostradës Adriatiko Joniane, projekt që lidh Shqiperinë me Malin e Zi dhe Greqinë. Dy Kryeministrat diskutuan edhe mbi projekte të përbashkëta në fusheën e turizmit, sidomos në zonën e liqenit të Shkodrës dhe lumit Buna.
Më pas Kryeministri i Shqipërisë është takuar edhe me Komisioneren për Politikën e Jashtme Mogherini, me të cilën ka diskutuar të ardhmen europiane të vendit tonë si edhe punën e qeverisë shqiptare dhe reformat e ndërmarra për të përmbushur 5 prioritetet që e afrojnë Shqipërine edhe më shumë me Bashkimin Europian.
“Ishte kënaqësi për mua që diskutova sot me Kryeministrin e Shqipërisë, Edi Rama zhvillimet politike në vend dhe reformat që Shqipëria po ndërmerr, sidomos pasi fitoi statusin e vendit kandidat për në Bashkimin Evropian vitin e kaluar. Shqipëria ka një perspektivë të qartë evropiane dhe ne sot biseduam për mënyrën sesi mund të shkohet përpara në këtë proces.Unë e përshëndes angazhimin e fuqishëm të kryeministrit Rama në rrugën evropiane të Shqipërisë, duke përfshirë punën e nevojshme për reforma. Ne gjithashtu folëm për dimensionin rajonal dhe unë shpreha vlerësimin për përpjekjet e vazhdueshme të Shqipërisë për të qenë një partner konstruktiv në rajon dhe më gjerë”, deklaroi Mogherini.
Redaksia Online
(Javanews.al)
