Kryeministri Edi Rama në një konferencë për mediat nga “Shtëpia e Europës” nën shoqërinë e presidentes së Komisionit Europian, Ursula Von Der Leyen, ku u njoftua çelja e një dege të re studimi në Kolegjin Europian të Bryzhit në Tiranë, shprehu një qëndrim ndryshe në raport me unionin.
I vënë shpesh në qendër të vëmendjes për kritikat direkte mbi BE-në, këtë herë Rama zgjodhi elozhet për të treguar sipas tij se kemi të bëjmë me një mësues që t’i bën nervat copë, por në fund ia del të mësojë sesi formohet një shtet demokratik e funksional.
“Jemi shumë të lumtur sot. Është vërtet inkurajuese të shohësh BE të kalojë kaq shpejt nga fjalët në vepra. Kjo është diçka që e kemi përjetuar këto vitet e fundit falë përkushtimit të posaçëm të Presidentes, e cila na ka shoqëruar në momente tepër të errëta. Si për shembull kur tërmeti shkatërrimtar goditi Shqipërinë. Dua po ashtu të nënvizoj sesa e rëndësishme është kjo nismë që merr jetë sot. Pasi ne priremi që të besojmë se Europa ka të bëjë me ekonominë, financimin, më shumë qasje në tregun e përbashkët. Por unë besoj fort se Europa për ne më shumë se të gjitha këto bashkë ka të bëjë me dijen, me të mësuarin sesi të gjitha problemet që kemi trashëguar nga e shkuara t’i zgjidhim. Si të transformojmë atë çka është më e rëndësishme për një vend të ri në këtë sidë si ne. Dijen dhe shtetin. Ndaj gjithnjë mendoj sa të bekuar jemi që jetojmë në këtë vend dhe që rrethohemi nga BE. Po të hedh një sy në të shkuarën nuk ka shumë arsye për të qenë të frymëzuar apo për të besuar në një të ardhme të shndritshme. Askush nuk mund tu mësojë vendeve që gjenden në pjesë të tjera të botës, që duan të ecin përpara, të transformojnë jetën e tyre, shtetet e tyre, BE është më i miri që e bën këtë. Askush nuk mund ta shoqërojë një vend që të dalë nga e shkuara e vetë dhe të sigurojë një shtet demokratik dhe funkas9ional për qytetarët e vetë siç bën BE. Nuk ka asnjë mësues që t’i bën nervat copë si BE, ma merr mendja që kolegji është në pararojë të kësaj, por nuk ka rrugë tjetër. Ja pse besoj se ky kolegj është më shumë sesa një universitet që vjen këtu nga jashtë dhe bëhet pjesë e sistemit tonë për të ofruar një arsim të klasit më të lartë për të rinjtë tanë. Pasi është një mësim më i thelluar për vetë BE, ndaj kemi të drejtën sot të jemi të lumtur. Dhe besoj se më shumë të rinj shqiptarë sesa 31 fillestarët të bëhen pjesë e tij.”
Edi Rama – Kryeministër i Shqipërisë
/f.s
Nga Evropa nuk mesuam se si behet 1 shtet por i mesuam hilet evropes dhe Amerikes qe perdor ne Shqiperi.HILJA E PARE evropa pret para me makineri dhe u jep bujqve te saj suvencione mijera euroshe kurse qeveria Shqiptare qe kontrollohet nga Evropa dhe Amerika ka mare urdher qe mos te presi para me makineri dhe tu japi bujqve Shqiptare suvencione keshtu prodhimi i Shqiptareve del me i shtrenjte dhe nuk shitet Shqiptaret nuk punojne tokat dhe behen emigrant puntore te thjesht skllever ne Evrope.HILJA E DYTE Evropa dhe Amerika carmatosen Shqiperine ne 2007 ja demontuan Shqiperise 1200 tanke 800 topa dhe armet kimike qe Shqiperia te mos mundet te reagoje dhe tani Serbia cdo 2 muaj sjell ishtrine ne kufi qe ta detyroj Shqiperine te japi tok dhe me vone dhe det.HILJA E TRETE krijimi i SPAK nga evropa dhe Amerika gjasme per te luftuar korupsjonin por qellimi eshte te vene ne pushtet ne Shqiperi njerezit e tyre duke hequr qafe ata qe nuk u binden.PASTAJ HAJDE MIRUPAFSHIM SHQIPERI pa ushtri pa fabrika pa bujqesi emigrant