Kryeministri Edi Rama, nga Fieri gjatë një takimi për legalizimet u shpreh se Shqipëria nuk mund të mbyllet në çadër, por duhet të bëhet pjesë e BE-së. Sipas tij, çadra po përpiqet vetëm të mbajë peng drejtësinë, që në këtë vend të mos ketë drejësi dhe ata të shpëtojnë nga drejtësia. “Kanë ngulur çadrën dhe kërcënojnë o bëhet kështu si themi ne o s’ka. Duan të mbajnë peng drejtësinë për të shpëtuar nga drejtësia. Nuk duan të lenë PS të hyjë në zgjedhjet. Shqipëria nuk mund të mbyllet në cvcadër, por të bëhet pjesë e BE-së. Një gjë është e sigurtë, në 18 qershor ka zgjedhje”, ka nënvizuar Rama.
Lidhur me legalizimet kryeministri u shpreh se qeverisja e çadrës ka legalizuar vetëm hotele dhe motele, si dhe ka bërë legalizime në parqe, qendra arkeologjike, që janë vende të ndaluara për legalizime. Sipas tij, kanë bërë pronarë në vende që nuk mund të pranohet që të legalizohen njësoj siç donte të bënte edhe me Lanën.
“Lumi Gjanica do të jetë një vlerë e shtuar për qytetin. Do t’i rrafshojmë ndërtimet e paligjshme. Kosto marramëndëse për shpronësime falë lagalizimeve të paligjshme. Legalizimi deri dje ishte me para në dorë dhe nëndorë. Njerëzit duhet ta dinë se çfarë dëmesh kolosale i ka bërë vendit qeveria e kaluar, me legalizme tërësisht të paligjshme e që sot ne duhet ti shpronësojmë në kurriz të kopshteve, shkollave, spitaleve. “Gjej shesh e bëj përshesh”. Qeveria e çadrës i ktheu lumejtë në mes të qytetit si qendra kanalesh të zezash”, u shpreh Rama. /javanews.al
ma.me
