Kryeministri Edi Rama deklaroi sot nismën kombëtare që kishte paralajmëruar disa ditë më parë, shkruan javanews. Sipas tij, korrupsioni duhet të përballet me mekanizma dhe filtra të tjerë përpara se t’i vijë radha për t’u përballur me drejtësinë.
Rama mori si shembull suksesin e dixhitalizimit dhe e-Albanias, duke u shprehur se janë shmangur miliona ecejake dhe kontakte fizike mes qytetarëve dhe zyrtarëve. Këto kontakte tha Rama, shpesh kanë prodhuar korrupsion.
Kryeministri shtoi se sot ka ardhur koha të ngrihen sisteme inovative ankesash, duke paralajmëruar kështu ngritjen e platformave denoncuese online, shkruan javanews.al
Ai shtoi se pa mbyllur procesin e Kadastrës, që shërbimet e saj të ofrohen të gjitha online, lufta ndaj korrupsionit nuk quhet e përfunduar.
Rama shpjegoi se për të realizuar këtë reformë, mazhoranca do t’i dretohet Kuvendit me një rezolutë. Sipas tij opozita brenda dhe jashtë Parlamentit është e mirëpritur të kontribuojë.
Kreu i qeverisë tha se duhet të krijojnë një vend punë me BE-SHBA, institucionet e pavarura e botën akademike, për integrimin e vendit në BE.
‘Thirrja ime për ata që janë kundër nesh, është e thjeshtë, ne nuk ju ndryshojmë dot juve. Luftën tuaj bëjeni si të doni ju me gjithë arsenalin, por le ta krijojmë një hapësirë jashtë territorit të kësaj lufte një zonë të ndaluar. Një vend pune të përbashkët me aleatë tanë strategjike, me të gjitha institucionet e pavarura, për të adresuar jo dallimet tona të papajtueshme pulitke por procesin e mëtejshëm të shtet bërjes evropiane të Shqipërisë duke analizuar të gjitha hallkat e shtetit në këtë fazë të re. Thoni se e keni seriozisht të vini në pushte. Unë u them se zgjedhjet janë vitin ardhshëm, nëse ne gjithë mend do të vini në pushtet ju do të jeni të parët që të jeni të interesuar për këtë iniciativë. Konsiderojeni këtë iniciativë tonë si mundësi tuajën për të filluar të mendoni se çfarë do të bëni për rrugëtimin drejt BE-së, kjo inictivë kërkon një punë të madhe. Inictiva na duhet për Shqipërinë e 2030 ku me ndihmën e Zotit duam ta ngremë flamurin shqiptar në Bruksel ku do të jetë i pari.’- tha Rama.
/a.r
