Kryeministri i vendit Edi Rama ishte i pranishëm Forumin e Gruas Socialiste ku mbajti një fjalim të gjatë me fokus kryesor Reformën në Drejtësi. rama tha se opozita nuk e do reformën ndaj nxjerr justifikime të kota. Para takimit të së hënës me Lulzim Bashën, Rama bëri një sfidë të hapur teksa pranoi formën e emërimeve në drejtësi me shumicën e 2/3, duke i bërë thirrje opozitës për miratim.
Ai tha se drejtësia është e kapur “nga kthetra” që nuk janë të maxhorancës dhe se mazhoranca po goditet nga gjykatat me vendimet e tyre.
“Dakort me 2/3. Dua t’i pranoj dhe jemi gati me 2/3 sepse ne nuk duam ta kapim sistemin e drejtësisë. Ne duam ta çlirojmë nga kthetrat që e kanë kapur dhe këto nuk janë kthetrat tona. Ne nuk kemi kthetra, sepse po të kishim disa në Parlament nuk do të ishin në Parlament”, u shpreh ai.
Më tej ai komentoi edhe akuzat për promovimin e të inkriminuarve në Partinë Socialiste dhe në administratën e lartë.
“PS është me krenari partia e grave dhe vajzave shqiptare. Ka krijuar një hapësirë të madhe për pjesëmarrjen e tyre në politikë dhe vendimmarrje, duke imponuar si kusht që në çdo këshill bashkiak, përfaqësuesit e komuniteteve të jenë gra dhe vajza. Jam vërtet i bindur se duhet përsëritur fakti se PS udhëhoqi dhe vendosi bashkë me të tjerët që prania e grave në Kuvend të rritet në mënyrë të ndejshme. Sot kemi një Kuvend që nuk është i kriminelëve, por një kuvend me numrin më të madh të grave dhe vajzave në historinë e këtij vendi. Përpjekja për të kriminalizuar PS është e atyre që përballë PS janë të vegjël. Të vegjël në përmasë, alternative, në ide, në qytetari, dhe në raport me sfidat dhe problemet që ka vendi.Përpjekja për të kriminalizuar PS dhe për të drejtuar gishtin e akuzës, është përpjekja e atyre që të gtjiha shpresat për t’u përballur me forcën e vizionit, programit, lidershipit, i kanë varur tek më e pashpresa armë, kriminalizimi i çdo ideje të re, projekti të ri, vendimmarrje, reforme. Ndërkohë që ne jemi në një rrugë reformash që shprehin qartë për këdo që do të shohë e të dëgjojë, vendoshmërinë e PS për të qenë në lartësinë e historisë së saj, si partia që ka barrën të ndërtojë, rindërtorjë, pa pushim”, tha kryeministri Rama./a.m.
