Më në fund një kryeministër shqiptar kontetson hapur marrëveshjen koncesionare të vitit 2004 për Rinasit. “Për fat të keq një qeveri socialiste ka bërë një marrëveshje tërrësisiht antikombëtare me koncesionin e dhënë për aeroportin e Tiranës duke i dhënë ekskluzivitetin asaj kompani për të gjithë qiellin e Shqipërisë. Që ne të bëjmë një aeroport tjetër duhet të marrim leje nga ata. Ne po negociojmë dhe negociatat janë në drjetimin e duhur. Ne me një aeroport Shqipërinë nuk e lëmë. Ambicia jonë është që t’i hapim rrugë 2 projekteve të mëdha për Vlorën. Aeroporti është pjesë e projektit“, tha Rama nga Vlora, në një takim elektoral.
Revista Java e ka analizuar prej vitesh fenomenin e monopolit ajror që ka krijuar marrëveshja e vitit 2004 për hapësirën tonë ajrore, e cila ka bllokuar në mënyrë flagrante zhvillimin e një sektori ku çmimet vazhdojnë të penalizojnë shqiptarët e thjeshtë më shumë se çdo banor i Ballkanit.
