Kryeministri Edi Rama ka ftuar sot të rinjtë shqiptarë që të bëhen pjesë e konkursit kombëtar Fressh Voice.
“Deri sot kanë shkuar afro1300 aplikimet (afati i fundit 20 prill) për të marrë pjesë në konkursin unikal kombëtar për liderat e rinj, FRESSH⭐VOICE. I këndshëm ky videomesazh 15 sekondësh :-))) fresshvoice.al”, shkruan kryeministri Rama në “Facebook”, duke postuar dhe një video, ku dy vajza binjake aplikojnë në konkurs.
Edhe deputeti socialit Pandeli Majko, njëkohësisht anëtar i jurisë së Fresh Voice, thekson në “Facebook” se, ky është një projekt jashtë “klisheve” të asaj që jeni mësuar të shikoni në angazhimin e të rinjve dhe të rejave në politikë. Nëse dëshiron aplikimi është i thjeshtë në adresën http://fresshvoice.al Dyshimet janë të arsyeshme përballë cdo risie. Ato janë të natyrshme sa është i vërtetë fakti se DO TE DEGJOHESH. Për dyshuesit që mendojnë se sic ndodh rëndom në partitë shqiptare edhe këtu “janë paravendosur fituesit”, këshilla është e thjeshtë, eja dhe sfido “rregullin”… Përballë publikut, të flasësh në emër të një brezi ende pa “zë” në politikë është një akt që vlen të quhet një FILLIM. Vendos vetë!…”.
Partia Socialiste çeli një ditë pas Kongresit, fushatën e anëtarësimeve dhe përzgjedhjes së strukturave të reja drejtuese në organizatën rinore të saj, FRESSH. Juria që do të përzgjedhë djemtë dhe vajzat që do të drejtojnë organizatat e FRESSH-it në të gjithë Shqipërinë janë Pandeli Majko, Elisa Spiropali, Arlinda Dudaj dhe aktori Gazmend Paja.
