Kryeministri Edi Rama ishte i pranishëm në ceremoninë e hapjes së kursit të oficerit të policisë kriminale, duke thënë se u përzgjodhën mes më të mirëve në një proces seleksionimi të 589 aplikantëve pa parë mbiemrin, pa parë tarafin, xhepin apo partinë.
Kreu i qeverisë deklaroi gjatë fjalës së tij se synohet rifreskimi i trupës policiore. Rama tha se se në fund të një shkollimi 6-mujor dhe 3 muaj praktikë, këta studentë do të jenë oficerë policie me gradën e komisarit.
“Studentë të fakulteteve të ndryshme, të cilët i bashkohen trupës së Policisë së Shtetit duke sjellë dije të reja, energji të reja dhe mbi të gjitha një kulturë të re. Në fund të një shkollimi 6-mujor dhe 3 muaj praktikë, këta studentë do të jenë oficerë policie me gradën e komisarit. U përzgjodhën mes më të mirëve në një proces seleksionimi të 589 aplikantëve dhe mbi të gjitha u rikonfirmua edhe njëherë vullneti ynë për të garantuar meritën pa parë mbiemrin, pa parë tarafin, xhepin apo partinë”, deklaroi Rama.
Kryeministri deklaroi se pas një dekade mbylljeje dhe braktisje kjo akademi sot është kthyer në jetë dhe ka nevojë për më shumë akoma që kjo akademi do përfshihet në programin e rindërtimit.
Rama theksoi më tej se ‘kishim një polici të braktisur, të tradhtuar, ku sipas raporteve të partnerëve tani ishte policia më e keqpaguar, më e moshuar, më e pashkolluar.
“Sot ne e kemi përmbushur objektivin e vendosur nga një raport i mirëdetajuar i bërë së bashku me partnerët disa vite më parë që ne gjetëm gati për nivelet e pagës, çfarë do të thotë se pagat nuk janë aq të kënaqshme por do të vijojnë të rriten“, tha Rama.
