Kryeministri Edi Rama ka reaguar sërish lidhur me protestat që tashmë kanë hyrë në ditën e 22-të të tyre.
Rama ka ndarë një foto të një prej protestuesve, dhe me një shkrim poshtë saj ku ai citohet duke thënë për mediat: “Ka grupe greke dhe serbe në protestë, do t’i nxjerrim me emra”.
Kryeministri në reagimin e tij shprehet se edhe “flamingot” do habiten me veten e tyre si ranë me kokë mes korbave e sorrave të shqiptarisë së rreme.
“Ouuu….. Po ky vetë?! Avash avash, të gjithë do dalin! Dhe flamingot do habiten me veten e tyre si ranë me kokë mes korbave e sorrave të shqiptarisë së rreme”, shkruan kryeministri Edi Rama në rrjetet sociale.
