Pas sulmit me vezë ndaj tij në seancën e së enjtes, shefi i qeverisë ka reaguar përmes Twitter.
Edi Rama shkruan se opozita që u rikthye nga rruga në Kuvend e ka të vështirë të përshtatet me sjellje jorrugore.
Kryeministri ironizon PD dhe LSI duke u shprehur se “siduket e ka vrarë kohën koteceve”…
“Të kthyer pas një qëndrimi të gjatë rrugëve, opozitarët tanë jo vetëm duket e paskan të vështirë të përshtaten me rregullat e sjelljes jorrugore, po si duket e paskan vrarë kohën koteceve duke dhunuar pula e vjedhur vezë, kur kaluan në ilegalitet nga frika e mllefit të studentëve” – shkruan Rama.
Ditën e sotme, kreu i mazhorancës u qëllua me dy vezë në foltore nga deputeti demokrat Endri Hasa. Ky i fundit u përjashtua me 10 ditë nga punimet e Kuvendit.
/a.rada
