Kryeministri Edi Rama ka vijuar turin e tij elektoral në Lezhë. Ai është ndalur edhe njëherë tek marrëveshja me PD dhe tensioni politik që ekzistonte para kompromisit. Rama tha se nuk duhet parë si armike PD.
“Të ndalemi tek marrëveshja. Unë e mendoj ashtu siç e the ti (i drejtohet një nga të pranishmëve). Sigurisht që është një ngjarje që ka ndodhur në rrethana specifike dhe u krijuan rrethanat. Dhe gjithë ajo mbarsje tensioni dha produkt pozitiv. Në këtë kuptim njerëzit të paktën e kuptuan se s’jemi armiq të palës tjetër. Nëse ka pasur politika shumë armiqësi, nuk ka qenë investimi ynë në armiqësi. Jo se dua të heq pjesë të përgjegjësi të palës tonë, apo të timen për të gjithë atë vijë të gjatë tensioni. Por nuk kemi qenë ne ata që kemi nxitur. Kam shpresë se zgjedhjet të përfundojnë dhe të jenë të pakontestuara dhe kush humbet të përgëzojë fituesin. Kjo ishte dhe arsye se pse unë nuk patra asnjë hezitim që PD ti ketë gjithë sytë e veshët në administratë dhe të kontrollojë dhe të shoh se gjithë ajo paranojë se shteti vë njerëzit në rresht dhe ushtron presion, nuk është realiteti jonë. Ka dhe fenomene të tilla”, tha Rama.
Ai ka reaguar edhe për largimin e disa zyrtarëve nga puna për pjesëmarrje në fushatë. rama theksoi se “pas orarit të punës, drejtorët, mësuesit, zyrtarët mund të marrin pjesë në fushatë. Njerëzit kanë të drejtë të kenë opinionet e tyre.”.
/a.m.
PD ka perfunduar simos me keq dhe kjo ka ndodhur nga te keqiat qe i jan ber keti vendi