Kryeministri Edi Rama i është përgjigjur shqetësimit të presidentit Ilir Meta për rivendosjen e mundshme të regjimit të vizave Shengen për Shqipërinë.
Nga Londra, Rama deklaron se Presidenti duhet që të shqetësohet për vizën që i ka vene institucionit të kreut të shtetit.
Reagimi i plotë:
Ilir Meta mos shqetësohet për rikthimin e vizave – s’ka shans të rikthehen – po të shqetësohet për vizën që i vuri figurës së kreut të shtetit, duke u bërë pjesë e frontit politik kundër zgjedhjeve dhe kundër drejtësisë!
Kjo luftë e turpshme kundër Shqipërisë do dështojë.
Me turp!
Ditën e sotme, Presidenti i Republikës Ilir Meta deklaroi se është i shqetësuar për rivendosjen e regjimit të vizave Shengen për Shqipërinë.
Meta u bëri thirrje institucioneve që të merren urgjentisht të gjitha masat e nevojshme duke mos neglizhuar apo anashkaluar asnjë përgjegjësi që do të dëmtonte dhe prapësonte këtë liri të fituar të shqiptarëve!
/a.r
