Punimet për projektin e sheshit “Skënderbej” po vijojnë me ritme të shpejta. Kryeministri Edi Rama ka publikuar një video nga punimet duke zbardhur edhe disa detaje. Ai shkruan se gurët e mozaikut që do të ngrihet në qendër do mblidhen nga të gjitha trojet, po ashtu edhe bimësia që do rrethojë sheshin.
Ja postimi i Ramës:
Më në fund… Edhe kryeqyteti do të ketë sheshin e vet qendror, një vepër e veçantë ku do të mblidhen gjithë llojet e gurëve të tokës shqiptare, në një mozaik natyral unikal që do të rrethohet nga një unazë e gjelbër pemësh e bimësie të mbledhur po ashtu, nga gjithë toka shqiptare😀🇦🇱
👍🇪🇺
Veliaj: “Punë me tre turne për të kapur kohën e humbur”
Sheshi i ri “Skënderbej” do jetë gati para afateve të caktuara. Për këtë qëllim Bashkia e Tiranës po punon me kapacitet në mënyrë që brenda verës së ardhëshme të gjithë shqiptarët të kenë sheshin e tyre.
Këtë fakt e bënë të ditur kryetari i bashkisë së Tiranës, Erion Veliaj i cili ka postuar sot edhe një video ku në 46 sekonda pasqyrohet puna kolosale që po bëhet në transformimin e sheshit “Skëndërbej”.
“Vetëm me këtë ritëm rikuperojmë kohën e humbur. Me 3 turne në Sheshin Skënderbej për të transformuar një rrethrrotullim makinash në një hapësirë të denjë për kombin, kulturën, sportin, natyrën e familjen”, shkruan kryetari i Bashkisë së Tiranës, Erion Veliaj. Ai bënë të ditur se për pak ditë do të jetë gati edhe Unaza e Vogel./a.m.
