Ndërsa debati për ndërtimin e një godine të re të Teatrit Kombëtarë dhe prishjen e godinës së vjetër vijon, kryeministri Rama ka publikuar sot qëndrimin e një tjetër artisteje, që sipas tij është pro një Teatri të ri.
Kreu i qeverisë ka sjell zërin e Ema Andreas, një prej zërave më të spikatur të skenës siç e quan ai në lidhje me çështjen e Teatrit Kombëtar. Rama thotë se ajo është në mbështetje të ndërtimit të një godine të re.
“Ja sa qartë dhe bukur shprehet dhe Ema Andrea, një ndër emrat më të spikatur të skenës, në mbështetje të ndërtimit të Teatrit të ri Kombëtar
EMA ANDREA:
Unë do doja t’i përkisja sot, si Ema, brezit që po ndërton të ardhmen, pra të vihet një gur sot që mua të më përfaqësojë në 2220. Më pëlqen arkitektura e re, më pëlqejnë sfidat kontemporane. Jam për një teatër të ri, për më tepër kur thuhet se ka këto kushte, por tani meqë janë këto kushte dhe ne i dimë dhe po i themi hapur të gjitha kushtet, kush e mban përgjegjësinë?”, shkruan Rama në statusin e tij.
g.kosovari
