Kryeministri Edi Rama është takuar këtë të enjte me Presidenten në Detyrë të Kosovës, Vjosa Osmani. Siç duket edhe nga fotot e publikuara nga Rama në faqen e tij në Facebook, takimi është zhvilluar në ambientet e kryeministrisë.
“Me Presidenten në Detyrë të Republikës së Kosovës, Vjosa Osmani”, shkruan Rama.
Presidentja në detyrë dhe kryeparlamentarja e Kosovës ka zhvilluar disa takime në vizitën e saj në Tiranë. Të mërkurën ajo u takua me homologun e saj, Ilir Meta, ndërsa ditën e sotme mbajti një fjalim në Kuvendin e Shqipërisë.
Osmani deklaroi se, “Nuk ka nevojë për tra të vendosur nga Shqipëria”. Ndër të tjera ajo kërkoi nga parlamenti shqiptar të bashkojnë forcat dhe të miratojnë se bashku dhe rezolutën kundër genocidit serb.
/a.r
