Kryeministri Edi Rama ka firmosur emërimin e Drejtorit të Përgjithshëm të Burgjeve. Arjan Hoxha do të mbajë këtë detyrë dhe vjen si propozim i kreut të PD Lulzim Basha. Në fillim pati një heztiim por sot kryeministri aprovoi emrin e drejtorit teknik të burgjeve, që zëvendëson Miklovan Kopanin. Drejtori i Burgjeve është një prej posteve që do të drejtohet nga zyrtarë teknik, sipas marrëveshjes Rama-Basha.
Arjan Hoxha në të shkuarën ka mbajtur detyrën e shefit të Sektorit Kundër Krimit Ekonomik në Policinë e Tiranës. Ai mbahet mend si personi që arrestoi babain e Saimir Tahirit në vitin 2013.
Ai u lirua nga detyra gati një muaj pasi PS-ja mori pushtetin. Ai e quajti vendimin për largimin hakmarrje të tahirit.
Po sot kryeministri ka firmosur emërimin e Arjan Bylykbashit në postin e drejtorit të ri teknik të Zyrës Qendrore të Regjistrimit të Pasurive të Paluajtshme./a.m.
