Kjo verë pritet të ketë një numër të lartë turistësh, prandaj dhe bizneset, hoteleritë dhe gjithë sektori i turizmit kanë nisur përgatitjet. Kryeministri Edi Rama ka postuar mëngjesin e kësaj të Premteje pamje nga bregdeti i Velipojës i cili duket fantastik për pushimet.
Edhe pushuesit shprehin në video përshtypjet më të mira për organizimin e plazheve.
“Mirëmëngjes dhe me bregdetin e Velipojës, nëpërmjet përshtypjeve të pushuesve që këtë vit e gjejnë më mirë të organizuar, si edhe më të pastër se asnjëherë më parë, ju uroj një ditë të mbarë”, shkruan kreu i qeverisë.
Këtë vit kanë qenë edhe mediat e huaja më të njohura ato që i kanë kushtuar artikuj Shqipërisë turistike, duke promovuar plazhet, malet dhe shumë zona që sipas tyre janë ideale për pushuesit dhe me kosto shumë të mirë.
/a.r
