Kryeministri Edi Rama ka kujtuar sërish sot festën e djeshme me rastin e 9-vjetorit të Pavarësisë së Kosovës. Kreu i Ekzekutivit shqiptar ka përzgjedhur një foto me dy fëmijë që mbajnë flamurin e Kosovës dhe të Shqipërisë, ndërsa ai i ulur mes tyre në përqafim përcjell mesazhin e urimit.
Në postimin e tij në rrjetin social ‘Facebook’, mëngjesin e sotëm, kryeministri Rama shkruan PHOTO OF THE DAY”.Kryeministri Edi Rama prej dy ditësh ndodhet në Kosovë ku ka qenë pjesë e ceremonive zyrtare të 9 vjetorit të pavarësisë së Kosovës dhe aktiviteteve festive. Edhe në mbrëmjen e së premtes kryeministri Rama ka marrë pjesë në mbrëmjen speciale ku interpretoi violinisti virtuoz Shkëlzen Dolin në Teatrin e Ri të KlanKosovës.
“Një mbrëmje speciale në përvjetorin e 9-të të Pavarësisë, me Shkëlzen Dolin në Teatrin e Ri të KlanKosovës 🇽🇰🇦🇱 (Pjesa II)”, shkroi Rama mbrëmë në orët e vonat. /ma.me
