Kryeministri Edi rama ndodhet në Bruksel ku ka apsur takime me një sërë politikanësh të niveleve të larta të BE dhe vendeve partnere. Pas takimit me kreun e PE Tajani, Rama ishte i pranishëm në Forumin e Ballkanit Perëndimor. Duke iu përjgigjur pyetjeve, Rama komentoi edhe lajmet negative për krimin shqiptar në vendet e BE. Ai tha se Shqipëria po sulmohet padrejtësisht.
“Ne po sulmohemi përditë në gazeta për krimin etnik shqiptar. E dini se cila është përqindja që shqiptarët kanë në këtë tërësi të krimit, 0.4 %. Ideja është që në fillim e nisën nga bullgarët që donin të vrisnin Papën, tani i kanë kthyer nga shqiptarët”, tha ai.
Më tej ai komentoi edhe largimin e shqiptarëve drejt vendeve të BE. Rama tha se nga të gjitha vendet largohen, por vetëm shqiptarët komentohen. Ai iu referua edhe emigrimit të kroatëve.
“50 mijë persona janë larguar nga Kroacia e askush nuk flet për ta, miliona ikin nga gjithë bota e askush nuk flet për ta. Natyrisht njerëzit ikin e kthehen, kjo është normale. Njerëzit do të largohen njerëzit do të kthehen. Dallimi bëhet se ne në Ballkan nuk jemi pjesë e tregut të punës, kaq e thjeshtë janë. Kur të rinjtë largohen, janë të detyruar të ndjekin rrugë të jashtëligjshme, rrugën e azilit, është kaq e thjeshtë. Askush nuk mund të vijë të më thojë, qoftë në BE që ata kanë reformuar drejtësinë për 2 vite, me konsensus të plotë, duke bërë të mundur që në 2 vite gjithë gjyqtarët të vihen para vettingut”, tha Rama./a.m.
