Kryeministri Edi rama gjatë fjalës së tij në Asamblenë Kombëtare të PS-së deklaroi edhe disa ndryshime në qarqet e vendit.
Kreu i qeverisë theksoi se qarkun e Shkodrës do ta drejtojë Valdrin Pjetri i cili i u zgjodh edhe kreytar i bashkisë së këtij qyteti. Nga ky post kreu i qeverisë largoi ish-minitrin e Jashtëm dhe deputetin e këtij qarku Ditmir Bushatin.
Ndërsa Ervin Bushati dhe Elisa Spiropali do të jenë drejtues në Tiranë në vendin e Blerina Gjylametit.
Po ashtu dhe Qarku i Lezhës nuk do të drejtohet më nga Lindita Nikolla, ndërkohë që këtë funksion Rama ia ka ngarkuar ministrit të Brendshëm Sandër Lleshajt.
Ndërsa Ilir Beqaj u vendos sekretar per kordinimin e punëve të këshillave.
“Jam gati të propozoj disa ndryshime në udhëheqjen e qarqeve. Në Shkodër qarkun do ta drejtojë kryetari i ri i bashkisë (Valdrin Pjetri). Në Tiranë për më shumë rezultat do ta drejtojnë bashkërisht Elisa Spiropali dhe Ervin Bushati (ne vendin e Blerina Gjylametit).
Përsa i përket sekretariatit, kemi rënë dakord që të bëjmë disa ndryshime të nevojshme. Së pari kemi menduar të kemi një sekretar që të koordinojë punën e këtyre këshillave dhe rezultatet që dalin dhe nevoja për t’u adresuar nga qeveria apo institucionet e tjera. Për këtë ngarkojmë Ilir Beqjan që të bëjë këtë punë” tha Rama.
Valdrin Pjetri-koordinator për qarkun e Shkodrës në vendin e Ditmir Bushatit
Sandër Lleshaj-koordinator për qarkun e Lezhës në vendin e Lindita Nikollës
Elisa Spiropali dhe Ervin Bushati-koordinator në Tiranë në vendin e Blerina Gjylametit
Gent Cakaj do të marrë sekretariatin për Rininë
Blerina Gjylamenti kalon te sekretariati për dixhitalizimin
Arben Pëllmbui-sekretar për koordinimin dhe organizimin
Lindita Nikolla-sekretare për burime njerëzore në PS
g.kosovari
