Edi Rama: Kjo fitore me notën 10 që e kisha parandjerë dhe parashikuar mund të jetë e pabesueshme. Ky popull nuk ka për ta ndryshuar më parë qeverinë që ka pa ndryshuar më parë opozitën që do. Kjo fitore nuk është e pabesueshme për mua që ditën kur kam zbritur nga podiumi që ishte këtu në mbrëmjen e fitores së mëparshme.
Nuk është hic e pabesueshme nga të gjithë ata, nisur nga ata këtu duke filluar drejtuesit e qarqeve që bashkë me mua punuan fort për 4 vjet për ta sjellë në shtëpi rezultatin historik të 11 majit.
Koha do ta thotë nëse rezultati me kundërshtarët tanë të kahershëm dhe të pandreqshëm është në fakt rezultati i një përballje të mundishme në kushtet ku na ra ne të ndryshojmë historinë.
Në kryqëzimin midis një palë zgjedhjesh politike për të qeverisur vendin 4 vitet e ardhshme, ne u bëmë partia që mishëroi fuqishëm mundësinë historike në sytë e shqiptarëve që e duan zonjën Shqipëri në sofrën e BE dhe veten e tyre qytetarë të barabartë të BE. Të tjerët u munduan të na rendnin pas me sharje lebetitëse dhe premtime ulëritëse por mbetën prapa.
Megjithatë dhe pse rezultati përfundimtar, s’ka dalë akoma dua ti përgëzoj udhëheqësit e partive të vogla opozitare të cilët bënë betejat e tyre jo të lehta dhe i mbijetuan presionit mes forcave të mëdha kryesore. Uroj mos të ecin më tej në gjurmët e opozitës së vjetër e të falimentuar totalisht por të gjejnë mënyrat e durimit për tu rritur si alternativa dhe jo volume zanore në mexhlisin tonë politik.
Ky mandat që na dhanë shqiptarët do të jetë po aq i fortë politikisht sa ai i ‘92.
