Kryeministri Edi Rama beri te qarte pak minuta më pare se s’do te kete asnje dëmshpërblim për zaptuesit e pronave, duke ju referuar me këtë rast protestes te Astiri.
“Njohëm një kategori deri dje të panjohurish. Janë zaptuesit profesioniste pronash publike apo private, tha Rama.
Individë që shfaqen kërcënues dhe të lënduar në bllokimin e paligjshëm të rrugës për qytetarët dhe që ndërtojnë nga katër a pesë apo tetë ndërtime pa leje në Tiranë apo bregdet apo tjetërkund.
Individë që skanë bërë tjetër po kanë ndërtuar pa leje, pasuri pa leje, sot kërcënojnë se duan dëmshpërblim nga taksat e qytetarëve, të zaptuar nga këta individë apo komunitetit që i është marrë prona e përbashkët dhe pa asnjë gajle bllokojnë qarkullimin dhe natyrisht janë shprehja më spektakolare e një degradimi total të të menduarit shoqëror dhe politik të këtij vendi.
Abuzohet shumë me “jam në proces legalizimi”.
Të jesh në legalizim, sdo të thotë që do legalizohesh medoemos, nëse godina jote është në një rrugë, zonë arkeologjike, tubacionet e ujesjellësit, linjat energjisë elektrike etj. Godina nuk kthehet në pronë aty ku cënohet prona e përbashkët. Ka abuzim të madh em këtë koncept sepse nuk është e njëjta gjë të kesh ndërtuar shtëpi për të futur kokën, në territorin ku s’bëhesh pengesë, dhe të ndërtosh kate të tëra për biznes në shtratin e rrugës. I bie në qafë atyre që s’kanë zaptuar kurrë një metër katror. Dëmshpërblim nga buxheti i shtetit, nga paratë e spitaleve, pensionet, arsimi. Kjo nuk gëlltitet dhe nuk tretet në asnjë formë. T’i hapin rrugë zhvillimit e mos turpërojnë veten dhe mos bëhen mish për top për ata që s’u ka mbetur asgjë në kokë, per një opozitë që ze rrugët e pretendon dëmshpërblim për të paligjshmit”, perfundoi kryeministri.
