Rama: Penalitete për ata që mbajnë punonjësit e pasiguruar
Kryeministri Edi Rama në një tryezë me biznesin ka diskutuar për luftën ndaj informalitetit.
Shefi i qeverisë tha se “nga informaliteti plagosen përditë ata që duhet të jenë të garantuar e të mbrojtur dhe se nga informaliteti përfitojnë të gjithë evazorët, që duhet të përgjigjen përpara ligjit”.
Duke theksuar këto, Rama vuri në dukje se aksioni i qeverisë është një kundërveprim agresiv kundër kësaj situate.
Më tej Rama theksoi se “kemi nxjerrë nga koma ekonominë e këtij vendi dhe kemi shmangur një kolaps të plotë financiar”.
Kryeministri më tej foli edhe për punonjësit e pasiguruar. Rama deklaroi se nuk do të falet më asnjë biznesmen që ka punonjësit në të zezë, duke paralajmëruar penalitete të rënda për ta.
