Kryeministri Edi Rama tha sot në Kuvend së nëse PD angazhon Sali Berishën në procesin e zgjedhjes së Presidentit, apo e vendos atë në krye, PS do të ndërpresë çdo komunikim dhe marrëdhënie.
Ai shtoi se opozita do të përfundojë edhe më keq sesa gjendja që është sot.
“Ju do të përfundoni edhe më keq dhe e dini që mua më del fjala. Nuk është problem ynë i vdekur që keni në mes të shtëpisë dhe mendoni se është gjallë. I vdekur politikisht them, se biologjikisht ne i urojmë jetë të gjatë. Por nëse na ngatërroni neve me të vdekurin tuaj, ne do të ndërpresim çdo marrëdhënie me ju. Nëse një grup njerëzish lidhin veten me një të vdekur dhe dalin të bindin njerëzit se i vdekur iështë gjallë, ata janë për t’u mëshiruar. Nëse ju do të keni Saliun në krye, është zgjedhja e juaj. Mos u qani hallin as zarfave, as sekreteve sepse procesi që ne kemi ndërtuar është një process për të marrë maksimumin e propozimeve” – tha Rama.
/javanews/a.r
