Kryeministri Edi Rama ka reaguar pas superaksionit të policisë, ku janë vënë në pranga 13 persona, ndërsa 12 të tjerë janë shpallur në kërkim për evazion fiskal.
Kreu i qeverisë paralajmëron bizneset që të mos luajnë me taksat pasi do i gjejë belaja.
Kreu i qeverisë thekson se një tufë personash nga biznesi i madh është shpallur në kërkim
“Ulja e taksave e lehtësimi tërësor i biznesit,synojnë dhe uljen e informalitetit dhe evazionit fiskal!Arrestimi i një duzine shkelësish dhe shpallja në kërkim e një tufe tjetër nga biznesi i madh,për mashtrim me taksat, është mesazh i qartë:Mos luani me taksat se ju gjen belaja”, shkruan Rama
Në total janë lëshuar 25 urdhërndalime, për 25 personat që figurojnë administratorë të subjekteve të dyshuara fiktive, që kanë lëshuar fatura të falsifikuara për subjekte të treta, duke i shkaktuar buxhetit të shtetit një dëm prej 18 miliardë lekësh.
Javanews/a.cupaj
