Drejtuesi i emisionit “Opinion” në Tv Klan Blendi Fevziu solli në vëmendje disa fjali të Kryeministrit Edi Rama në mbyllje të fjalës së tij sot në Kuvend.
Fevziu i tha kryetarit të Partisë Demokratike Sali Berisha, se ky ishte një paralajmërim për një tjetër non-grata. Ndërsa, Berisha përmes një lidhjeje Skype për “Opinion” u përgjigj duke thënë se kjo përbën degradimin intelektual të Ramës.
Edi Rama: Ju presim më 14 Maj për të na mundur më keq se ç’na keni mundur gjatë këtyre 9 viteve, suksese në jetë dhe deri atëherë kujdes se byrektorja vazhdon punën, gjiza ka arritur dhe okllaia po shtron brumin tjetër për tavën që pret të hyjë në furrën e rindezur. Personin në fjalë do ta shihni vetë, faleminderit!
Blendi Fevziu: Paralajmëroi një tjetër non-grata.
Sali Berisha: Degradimi i një njeriu zoti Fevziu…
Blendi Fevziu: Herën e parë që e bëri i doli zoti Berisha.
Sali Berisha: Degradimi intelektual i një njeriu që është futur në një vorbull nga e cila politikisht është totalisht i pakallur, kaq mund të them.
/a.r
