Pas sulmi me bojë nga Edi Paloka, ka ardhur edhe reagimi i Edi Ramës.
Kryeministri ka postuar në rrjetet sociale videon e ngjarjes në Kuvend teksa citon një thënie të Ajnshtajnit.
Ai vijon të ironizojë Palokën dhe shprehet se boja e shiringës është derdhje e mendimeve të opozitës për zhvillimin e vendit.
Kreu i qeverisë sjell në vëmendje sulmet e përsëritura ndaj tij, që nga çizmja e Monika Kryemadhit, te veza e Endri Hasës dhe boja e Palokës.
“Dy gjëra janë të pafundme, universi dhe budallallëku i njeriut”, shkruante Albert Ainshtajni, përpara se sa opozita në Shqipëri të merrte formën e një Budallallëku Universal, që vizion ka Vezën e Lulit, ide ka Çizmen e Doktorreshës dhe program ka Bojën e Palothës” – shkruan Rama.
Ndërkjohë që përmes Instagram, kreu i qeverisë ka vijuar reagimin e tij. Teksa poston foton e shiringës të përdorur nga Paloka, Rama shkruan:
“Penda e mendimtarit E. Th. Palotha pas një derdhjeje të fuqishme mendimesh mbi rolin e opozitës në zhvillimin e vendit” – komenton Rama.
/javanews/a.rada
