Kryeministri Edi Rama kishte të planifikuar ditën e sotme një takim në Dibër, por ai e anuloi atë. Ende nuk dihen motivet e anulimit të këtij takim, por mendohet se ka qenë axhenda e Ramës për të gjetur një marrëveshje për të pasur një zgjedhje të krizës politike. Ndërsa mbrëmjen e sotme, ai ka postuar një foto të një prej figurave historike Iljaz pashë Çokun.
Postimi i kryeministrit:
AMARCORD
Kush mendon se Dibra është një nga viset periferike të Shqipërisë, gabohet si në perspektivën e zhvillimit në të ardhmen po ashtu edhe në leximin e së shkuarës.
Iljaz pashë Çoku (Dibra), kryetar i Lidhjes shqiptare të Prizrenit, atdhetar i paqortueshëm dhe protagonist i kësaj fotoje, ishte, së bashku me vetë Skënderbeun, të cilët shumë historianë e konsiderojnë pinjoll të këtyre viseve, bir dhe trashëgues i emrit dhe traditave të mëdha dibranë dhe shqiptarë.
