Kryeministri Rama ka vizituar një familje të varfër në Berat, përfituese e ndihmës ekonomike.
I pranishëm sot në familjen e Samiut për t’i ofruar ndihmën ekonomike, kreu i qeverisë tha se në mënyrë kategorike “nuk do të marrin ndihmë ekonomike ata që janë të aftë për punë”.
“Ndihma ekonomike nuk është e mjaftueshme, por jep mundësi për pak frymëmarrje”, deklaroi Rama
“Thirrja që unë përsëris është nuk ka shans të marrin ndihmë ekonomike, nëse janë të aftë për punë dhe nëse u ofrohet punë, pastaj është punë e tyre,” u shpreh Rama.
Kreu i qeverisë së bashku me prezencën e ministres së Shëndetësisë, Ogerta Manastirliu, tha se janë përjashtuar 700 familje ku pjesa më e madhe janë abuzivë.
“Janë përjashtuar 700 familje ku pjesa më e madhe janë abuzivë, ndërkohë që ka një pjesë minimale që është pjesë e marzhit të gabimit që ne po e verifikojmë. Me skemën e re ne nuk vazhdojmë më me ndihmën e pjesshme. Tani ndihma është e plotë, se ka pasur nga ata që kanë marrë edhe 6 mijë lekë. Kjo ndihmë jep pak mundësi për frymëmarrje, nuk po themi që është më e mira e mundshme. Ka shumë njerëz që kanë dalë nga skema, sepse nuk e meritojnë, dhe nuk duan të punojnë,” u shpreh Rama.
“Do bëjmë çmos të nxisim integrimin në punë, duke bërë kurse profesionale dhe duke bashkëpunuar më zyrat e punësimit. Shumë familjë kanë dalë nga skema, por nuk duan të punojnë”, deklaroi kryeministri.
a.ç
