Shqiptarja.com shkruante se Parlamenti shqiptar i ka hapur rrugë një ‘amnistie’, nga e cila përfitojnë pikësëpari politikanët dhe njerëzit e drejtësisë, por edhe mijëra qytetarë të zakonshëm.
“Dosjet e pushtetarëve dhe të çdo qytetari të thjeshtë, të cilët kanë blerë pafajësinë tek gjykatat dhe prokuroritë e korruptuara, nuk mund të rihapen më kurrë, me qëllim për të rënduar pozitat e tyre.
Po ashtu, kush është dënuar një herë nga gjykata për një vepër të caktuar penale, pavarësisht zbulimit të provave dhe fakteve të reja, vendimi i gjykatës nuk mund të rishikohet më, me qëllim rëndimin e pozitës së të dënuarit.
Pra, kush ka blerë drejtësinë dhe është shpallur i pafajshëm nuk mund të dënohet më, ndërsa kush është dënuar një herë nuk mund të dënohet më tepër, edhe nëse dalin prova dhe fakte të reja për atë vepër penale.
Kështu parashikojnë ndryshimet në nenin 449 të Kodin e Procedurës Penale të miratuara nga Parlamenti në datën 30 mars”, shkruante kjo gazetë.
Lajmi ka shqetësuar komentuesit, të cilët e kanë pyetur Ramën nëse kjo gjë është e vërtetë.
“Përralla. Pa merak,” shkruan Rama.
“Është një idiotësi që nuk ka lidhje me realitetin,” shprehet më tej Rama.
Në fakt, alarmi për “amnsitinë” që ka miratuar Kuvendi rreth veprave të gjykuara apo të falura, nuk është alarmant, por në një gjatësi vale me të drejtën europiane.
Është një procedurë normale që është mbështetur nga programi Euralius, ndryshe nga sa ka rrjedhur në shtyp.
Një zyrtar i lartë i qeverisë shqiptare i tha gazetës TemA se: “Eshte e vertete qe ka patur debat per nenin lidhur me rishikimin e vendimit te pafajsesise dhe te atij kur kerkohet rendimi i denimit te te pandehurit”, por kjo nuk ka ndryshuar thelbin e problemit.
Ekspertet vendas dhe Euralius kane kembengulur se Shqiperia duhet te respektoje jurisprudencen e konsoliduar ne kete pike te GjEDNj, e cila nuk lejon rishikimin per vendimet e pafajesise dhe per ato per te cilat kerkohet rendimi i pozites se te pandehurit”.
Por a mund të ëprfitoj nga kjo “amnisti”, ata që nuk janë gjykuar për arsye politike duke shtyrë gjykimin?
Zyrtari thotë se këtu flasim per rastet e vendimeve te gjykuara ne themel dhe ajo per ato vendime pushimi per efekt procedure, sic eshte p.sh vendimi i pushimit per rastin e rruges Durres- Kukes.
