Kryeministri Edi Rama zhvilloi një takim me të rinjtë që votojnë për herë të parë. Edhe këtë herë ai nuk ka harruar batutat e tij duke ironizuar opozitën, por edhe duke shprehur kënaqësinë për ekipin për të cilin bën tifozllëk, Juventusin.
“Dua t’iu them diçka tifozëve të Barcelonës. Mos u mërzisni! Ju keni Messin, ata kanë Saliun, ju keni Neymar, ata kanë Lulin. Edhe tifozët e Bayern Munchen nuk duhet të mërziten. Realin? Shohim e bëjmë më vonë. Miqtë e mi, futbolli në fund të fundit është një shfaqje. Ne jemi spektatorë dhe rëndësi ka gëzimi. Por, beteja për 18 qershorin nuk është një shfaqje. Ndaj, ne nuk jemi spektatorë. Beteja bëhet për Shqipërinë që duam”, deklaroi nga Durrësi Rama.
/a.m.
