Në fjalimin e fitores, kryeministri Edi Rama falënderoi publikisht edhe bashkëshorten Linda Rama.
“Ime më, Aneta, nuk më ndoqi, por së bashku me tim atë atje lart, besoj janë krenarë, pavarësisht se u përfolën dhe u përbaltën gjatë gjithë fushatës. Falënderimin më të veçantë e kam për të vetmen opozitë që unë vazhdoj të mos arrij ta mund dot, por shyqyr që më pranon në qeverinë e unitetit, Linda Ramën, mamanë e paepur të Zahos, nënën kryelartë të Reas dhe shoqen besnike të Gregut. Linda është shtylla që i mban të katërt këndet e këtij tavani, shumë faleminderit grua. Besoj se unë flas edhe në emrin tënd, duke falënderuar Zahon, i cili na rri ngjitur si bateri me energji diellore”, tha Rama.
