Kryeministri Edi Rama ka shpërndarë një mesazh ngushëllimi për ndarjen nga jeta të deputetit të LSI Gjovalin Kadeli. Në këtë mesazh, Rama kujton një mik, kundërshtar dhe koleg siç e quan ai, duke i’u referuar edhe përplasjeve midis tyre kur Kadeli u largua nga PS.
Pavarësisht përplasjeve, Rama shkruan se Gjovalin Kadeli arriti të kthehet një personalitet.
“Miq, kundërshtarë, kolegë, po pavarësisht dallgëve në marrëdhëniet tona, Gjovalini ishte gjithnjë për mua njeriu i admirueshëm për ambicien e tij dhe faktin se nga hiçi, ai u bë me përpjekje e sakrifica të mëdha, një personalitet publik i Lezhës. Me keqardhje thellësisht të sinqertë, mora lajmin për vdekjen e tij dhe nuk gjej fjalë për të ngushëlluar fëmijët që pas nënës humbën edhe babanë…
U prehsh në paqe Kadel!” shkruan Rama./a.m.
