Kryeministri Edi Rama ishte sot në Fier ku zhvilloi një takim me gratë socialiste të këtij qarku. Veç batutave të shumta, Rama duket se nuk e ka harruar edhe një humbje në këtë qark në vitin 2015. Bëhet fjalë për bashkinë e Mallakastrës, një bastion i majtë që u fitua nga kandidati i Partisë Demokratike.
Rama tha se për Mallakastrën do ishte bërë shumë më shumë siç është bërë edhe për zonat e tjera.
“Do bënim dhe për Mallakastrën ndryshime. Por atyre në Mallakastër ju gdhiu dita mbrapsht kur votuan në 2015, por s’ka problem”, tha Rama.
Në 2015-ën, kandidati i djathtë fitoi përballë kandidatit të Lëvizjes Socialiste për Integrim që përfaqësonte mazhorancën e majtë. Por edhe pse humbja në këtë rast nuk i faturohet PS-së, Rama duket se nuk e ka harruar humbjen e këtij bastioni nga e majta./a.m.
