Kryeministri Edi Rama ka vijuar fushatën në Fushë-Krujë. Ai ka kërkuar votën e krutanëve për të çuar përpara siç tha ai punën e bërë në këto 4 vite.
“Nuk duhet t’i gjeni punë dertimenëve të Republikës së re. Duhet t’i gjeni punë vendit. Demokratët e kanë shumë kollaj këtë radhë. Imagjinoni duhet të zgjedhin mes emrit 2, që është numri i tyre, dhe numrit 6. Ngelen në të thatë komplet, s’fitojnë asgjë”, tha Rama.
Pas brohorimave nga krutanët, Rama u drejtua me batutë duke kërkuar votën nga të majtë e të djathtë: “Boll fishkëllyet, ngrini dy gishtat tani”, tha Rama duke kujtuar numrin që mban në fletën e votimit PS.
Rama vijoi më tej me nëj tjetër batutë, duke u kujtuar krutanëvve se bashkëshortja e tij është nga kjo zonë.
“Rrofshi se jam dhëndri i një gruaje të Krujës”.
