Kryeministri Edi Rama mori pjesë ditën e sotme në forumin e mbajtur në Austri me temë “Zgjimi Gjeopolitik i Europës”, ku u diskutua rreth pasojave të agresionit rus mbi Ukrainën, mësimeve të marra për të mos u përsëritur më një rast i tillë në kontinent, politika e zgjerimit të Bashkimit Europian, ruajtja e paqes dhe sovranitetit.
Pyetjes se si i percepton ai veprimet e BE-së gjatë këtij gjysmë viti të shkuar të kësaj krize, kur Shqipëria është anëtare e NATO-s por jo e BE-së ende dhe nëse ka pasur këtë zgjim të BE-së për të cilin po flasin të gjithë, Kryeministri iu përgjigj se: “ Së pari, sinqerisht nuk është pozicion interesant se ne duam të jemi edhe në BE. Po punojmë, po punojmë për këtë. Por sigurisht është një mënyrë për ta parë si interesante. Mënyra sesi unë i kuptoj gjërat, është se kjo luftë po sfidon vetë themelet e shoqërive tona në anën perëndimore dhe në fund, mendoj se çështja e vërtetë nuk ka të bëjë sesa të zgjon lufta sepse bombat të zgjojnë zakonisht, nuk mund të flesh por sesa rezistent mund të jetë perëndimi duke ditur që kufiri i dhimbjes së rusëve është më i lartë dhe duke e ditur se t’i heqësh nga tryeza shampanjën dikujt që është mësuar të pijë shampanjë duket më e dhimbshme sesa t’i marrësh nga tryeza bukë dikujt që është mësuar të mos hajë shumë bukë. Pra, çështja e vërtetë këtu është rezistenca.
Ju cekët paksa në hyrjen tuaj sesi disa gjëra kanë nisur të ndryshojnë, sesi emocionet, solidariteti i fortë i muajve të parë duket sikur është më pak entuziast pasi jeta e përditshme nuk është e lehtë dhe kështu me radhë. Kjo do të sfidojë jo vetëm Bashkimin Europian dhe Europën por vet themelet. Nëse do të shtoja një pikë këtu, ajo është se nuk e shoh Europën të ndryshojë në asnjë lloj mënyre. Në rregull, më shumë solidaritet, më shumë ndjesi përbashkësie, më shumë takime por Europa është e mirë për të bërë më shumë takime, nuk ka problem aty. Çështja është se si vetë Europa po ndryshon dhe nuk duket sikur po ndryshon në asnjë farë mënyre.”
g.kosovari
