Kryeministri Edi Rama ka reaguar në Twitter sa i përket zhvillimeve në dy seancat e fundit të Kuvendit.
Ai sulmon ish-kryeministrin Berisha dhe Partinë Demokratike për shthurje verbale, duke iu referuar incidentit me vezë.
“Për vezët e për glasat e kotecit të Saliut unë rroj 1mijë vjet, po më vjen të qaj për shthurrjen verbale, që ai dhe kakërdhitë e tij u kanë ngjitur plot të rinjve dhe të ulëras për Shqipërinë, që turpërohet ekraneve të Europës me pamjet e parlamentit të kthyer në një show pularie” – shkruan Rama në Twitter.
Sot, deputeti Berisha bëri thirrje nga foltorja për kryengritje të armatosur. Kjo shkaktoi debate në sallë ndërsa me kërkesë të socialistëve pritet të merret vendim nga Byroja për dënimin e tij.
/a.rada
