“Jemi investuar fuqimisht që të pastrojmë kanalet ujitëse dhe kulluese, pasi për 25 vite nuk u vu dorë. Përsa i përket ligjit të pronës që miratuam, hera e parë që jep një zgjidhje përfundimtare të cështjes dhe përkrahet nga Europa, pasi ligji 7501 iu mohoi titujt e pronësisë. Po vazhdojmë që të japim titujt e pronësisë në cdo bashki. Jemi të vetëdijshëm që mbështetja për fshatin duhet të jetë e madhe, prandaj kemi krijuar fondin për fermerët për kredi. Bankat e nivelit të dytë i kthejmë në aleate të qeverisë dhe fermerëve. I kemi dëgjuar ata të SHQUP, por ne e kemi rritur mbështetjen e shtetit për fermerët, përpos fondit. PD, propagandë që kërkon të përfitojë nga mërzia e njerëzve. Në 2005 u ble ekskavatori i fundit për bujqësinë, ne kemi blerë 71. Puna do kohën e vet dhe durimin e vet, pasi nuk mund të bëhet cdo gjë në tre vite” deklaroi ai.
Bashkëbisedimi me fermerët dhe batutat në Peqin
Fermeri: Zoti kryeministër ne duam rrugë dhe treg për ullinjtë
Rama: Po i pate këto të dyja i ke të gjitha. Se më kujtohet Saliu që bërtise vetëm rrugë, rrugë, rrugë, rrugë! Saliu bënte tendera dhe kontrata pa lekë dhe i la rrugët rrugëve.
Saliu thoshte që kemi bërë 10 mijë km rrugë kur ishte në pushtet, por tani tha një ditë që kemi bërë 11 mijë, pra i shtohen edhe tani në pension.
Saliu e inauguroi rrugën Tiranë-Elbasan, por sa erdhëm ne i rrëshqiti gjysma e malit.
Studentja: Kam mbaruar studimet për infermieri me nota të mira dhe masterin me mesatare, por nuk kam gjetur një vend pune?
Rama: Vend e punës nuk janë pa fund. Ka edhe shumë të tjerë.
Studentja: Në shkollë nuk më jepnin bursë, tani kërkoj punë dhe nuk ma jepnin, ju keni deklaruar se do të vlerësohen më të mirët
Rama: Por kërkesat janë të panumërta. Ashtu sikur je ti ka edhe studentë të tjerë. Nuk do të bëjmë debat këtu për këtë cështje.
