Kryeministri Edi Rama ka qenë sot në Mallakastër ku ka prezantuar kandidatin e majtë për këtë bashki, Shyqyri Kapllani. Në fjalën e tij kryeministri Rama ftoi qytetarët e Mallakastrës të votojnë Kapllanin, pasi sipas tij kandidati i PD-së, e ka mendjen vetem tek politika e SHQUP-it.
Duke u ndalur më gjatë tek kandidatët e djathtë, Rama tha se ato jaë bërë me fiksime, dhe se gjatë gjithë kohës flasin me vete vetëm “Rama-Meta” ashtu siç është edhe politika e SHQUP-it.
“Po të shikoni fushatën e tyre çfarë thonë ata? I keni dëgjuar ndonjëherë të flasin për ato probleme që flasim ne? I keni dëgjuar ndonjëherë të flasin se si do t’i zgjidhin problemet e kopshteve, të shkollave, të ujësjellësit, të kanalizimeve, të plehrave, të transportit? Ata thonë “Rama-Meta, Rama Meta”.
Çfarë doni ju? Doni një kryetar bashkie që të vijë këtu dhe të flasë me vete, në rrugët e Ballshit, Rama-Meta, Rama-Meta? Ç’ju duhet? Ata thonë votoni për SHQUPI-n e nuk vazhdohet më kështu”, u shpreh Rama. “Por çfarë lidhje ka 21 qershori me këtë? Pse Shyqua do ta grisi hartën, apo ai i komunës Qendër? Çfarë ka në dorë ai për dritat, çfarë ka në dorë ai për problemet që flet SHQUP-i? Bashkia ka lidhje me jetën jashtë mureve të shtëpisë. Ata e bëjnë këtë sepse ata nuk e kanë mendjen se si do të jetë jeta juaj jashtë mureve të shtëpisë”, u shpreh Rama
